Bydd Varsity Abertawe’n dychwelyd yn 2026, gan gyflwyno un o’r digwyddiadau gorau yng nghalendr y myfyrwyr.
Bob blwyddyn, mae’r digwyddiad yn dod â miloedd o fyfyrwyr ynghyd o Brifysgol Abertawe a Chaerdydd, gan gystadlu mewn dros 50 o gampau sy’n dathlu doniau, gwaith tîm a balchder prifysgol. Wedi’i sefydlu fel un o’r digwyddiadau Varsity mwyaf yn y DU, mae’n parhau i arddangos chwaraeon myfyrwyr ar ei orau.
Mae’n bleser gennym groesawu Route Media’n noddwr swyddogol ar gyfer Varsity eleni, gan gyflwyno digwyddiad sy’n dod â myfyrwyr, staff a’r gymuned ehangach ynghyd.
Cynhelir digwyddiadau ar draws amryw o leoliadau, gan greu awyrgylch bywiog ledled y ddinas wrth i dimau gystadlu yn erbyn ei gilydd drwy gydol y dydd. Bydd yr holl chwaraeon yn arwain at binacl y dydd sef y gêm rygbi Varsity eiconig lle bydd miloedd o gefnogwyr yn dod ynghyd i wylio’r frwydr ddwys rhwng Abertawe a Chaerdydd.
Fel arbenigwr y cyfryngau, mae Route Media’n cysylltu brandiau â chynulleidfaoedd mewn amgylcheddau poblogaidd yn y byd go iawn. Gan fod Varsity’n denu cynulleidfaoedd mawr ac yn rhychwantu lleoliadau ar draws y ddinas, mae’r bartneriaeth yn adlewyrchu graddfa a bwrlwm y digwyddiad, gan helpu i’w gyflwyno’n fyw ar y campws a’r tu hwnt.
Mae Varsity’n fwy na chystadleuaeth chwaraeon. O gystadlaethau cynnar i’r chwiban olaf, mae’n dathlu cymuned, balchder a phrofiadau a rennir, gan uno myfyrwyr o’r ddwy brifysgol mewn diwrnod sy’n parhau i dyfu flwyddyn ar ôl blwyddyn.
Gyda’r bwrlwm yn dechrau adeiladu eisoes, mae’n bleser gennym weithio gyda’n gilydd i gyflwyno Varsity bythgofiadwy arall a datblygu’r digwyddiad ymhellach gan ei fod wrth wraidd profiad myfyrwyr Abertawe.
