Gwelliannau ar ôl adnewyddu:

Bydd y prosiect yn cyflwyno ystod o welliannau, gan gynnwys:

toeon gwastad a thoeon serth newydd wedi’u hinswleiddio

Ffenestri a goleuadau LED newydd

Systemau awyru gwell

Gosod paneli ffotofoltäig (PV)

Llawr pren newydd

Cynhelir y gwaith hwn yn ystod misoedd y gwanwyn a’r haf i sicrhau cynnydd cyson a tharfu cyn lleied â phosib.

Diolchwn i chi am eich amynedd a’ch cymorth wrth i ni fuddsoddi yn ein cyfleusterau chwaraeon. I gael y newyddion diweddaraf yn ystod y prosiect, dilynwch ni ar y cyfryngau cymdeithasol, ewch i’n gwefan neu lawrlwythwch ap Parc Chwaraeon Bae Abertawe.

Beth i’w ddisgwyl:

• Bydd y neuadd chwaraeon ar gau o 27 Mai tan fis Rhagfyr 2025. Mae pob archeb yr effeithir arni wedi cael gwybod yn uniongyrchol, ac rydym yn gweithio i adleoli sesiynau lle bo modd.

• Bydd y gampfa, y Pwll Cenedlaethol, a’r Ganolfan Athletau a Hoci yn parhau ar agor yn llwyr drwy gydol y prosiect.

• Bydd rhai lleoedd parcio i bobl anabl yn cael eu hadleoli dros dro i ogledd maes parcio’r cwsmeriaid. Cyfeiriwch at fap y safle.

• Gall gwaith adeiladu arwain at lefelau sŵn uwch o amgylch y neuadd chwaraeon yn ystod oriau gwaith. Rydym yn gweithio’n agos gyda’n contractwr i leihau’r aflonyddwch.

Cwestiynau Cyffredin

Beth yw’r amserlen ar gyfer prosiect adnewyddu’r neuadd chwaraeon?

Bydd y prosiect yn dechrau ar 27 Mai a disgwylir iddo gael ei gwblhau ar ddiwedd 2025.

A fydd modd defnyddio’r neuadd chwaraeon yn ystod cyfnod y prosiect?

Na, bydd y neuadd chwaraeon ar gau drwy gydol y prosiect, ond nid effeithir ar y cyfleusterau eraill ar y safle.

Sut bydd y prosiect yn effeithio ar gyfleusterau parcio?

Bydd y lleoedd parcio ar gyfer yr anabl yn cael eu symud dros dro i ogledd y maes parcio i gwsmeriaid, fel y nodir ar y map o’r safle isod. Sylwer y bydd hyn yn effeithio ar nifer y lleoedd parcio cyffredinol ar y safle.

Ble gallaf barcio os oes angen lle parcio ar gyfer yr anabl arnaf?

Mae lleoedd parcio amgen ar gyfer yr anabl ar gael yng ngogledd y maes parcio i ymwelwyr, fel y nodir ar y map o’r safle isod.

A fydd y prosiect yn effeithio ar gael mynediad at y cyfleusterau eraill?

Bydd modd cael mynediad at y gampfa, Pwll Cenedlaethol Cymru a’r Ganolfan Hoci ac Athletau o hyd.

Pa welliannau sy’n cael eu gwneud i’r neuadd chwaraeon?

Bydd y prosiect yn gwneud llawer o welliannau i adeiladwaith yr adeilad gan gynnwys gosod toeon gwastad a thoeon serth newydd sydd wedi’u hinsiwleiddio, ffenestri newydd, goleuadau LED newydd, awyru newydd, gosod paneli ffotofoltaidd (PV) newydd a gosod llawr pren newydd.

Rydw i wedi gwneud archeb i ddefnyddio’r neuadd chwaraeon. Sut bydd y prosiect yn effeithio ar hyn?

Mae’r holl bartïon y mae’r prosiect hwn yn effeithio arnynt wedi cael gwybod am y prosiect a sut y mae’n effeithio ar eu harcheb. Mae ein timau’n gweithio’n galed i adleoli archebion pan fo’n bosibl.

Pam bod y prosiect yn cael ei gynnal nawr?

Rydym wedi trefnu i gynnal y prosiect yn ystod misoedd y gwanwyn a’r haf er mwyn manteisio ar y tywydd gwell, gan sicrhau y gwneir cynnydd cyson gyda chyn lleied o darfu â phosib.

 phwy y gallaf gysylltu am ragor o wybodaeth? 

Os oes gennych ymholiadau, e-bostiwch: campusdevelopment@abertawe.ac.uk